Se A matanza canibal dos garrulos lisérxicos foi a obra de referencia no século pasado agora tócalle o turno a Maldito bastardo! dirixida por Xavi Camino.

O filme, cargado con grandes doses de humor negro, sensentidos e violencia gratuita sitúase nun alucinante mundo rural onde o primitivismo, a alta tecnoloxía, a baixeza moral e a cultura psicodélica conviven en armonía. Segundo as frases publicitarias: "Maldito bastardo! é un virus que devora as túas entrañas. Maldito bastardo! é un alambique humano. Maldito bastardo! é unha matanza gratuita. Maldito bastardo! é un deus de peluche. Maldito bastardo! é AMOR".

Neste proxecto ten un elenco de actores nos que destacan Pilar Miguélez, Juanillo Esteban, Carmela López, Tomar Novas, David Balado e Laura Sañudo. A produción corre pola conta de Álvaro Novo.

• http://www.malditobastardo.net/